प्रधानमन्त्री शेर बहादुर देउवाले सत्ता गठबन्धनका नेताहरु र प्रतिपक्ष एमालेसंग शर्तहरुको सम्झौता गर्दै संसद बाट एमसीसी पास गराउन दौडधुप गर्न थालेपछी एमाले नेता भिम रावलले प्रधानमन्त्री, सभामुख , राष्ट्रिय सभाका अध्यक्ष, दलका नेता तथा सांसदहरुको नाममा खुल्ला स्‍मृति- पत्र लेख्नुभएको छ ।

नेता रावलले एमसीसी देशको हितमा नभएको र नेताहरुले चलाखीपूर्ण ढंगबाट यसलाई अनुमोदन गर्न खोजेको बताउनुभएको छ । नेता रावलले, यो मेरो मात्र नभई चीरकालसम्म नेपाल सार्वभौमसत्ता सम्पन्न, स्वतन्त्र, स्वाधीन, अखण्ड र स्वाभिमानी देशको रुपमा रहोस् भन्ने आकांक्षा राख्ने सम्पूर्ण देशभक्त नेपालीहरुको आवाज हो भन्दै खुल्ला स्‍मृति- पत्र लेख्नुभएको छ ।