नेपाल मजदूर किसान पार्टीले आज संसद भवन नयाँ बानेश्वर अगाडि प्रदर्शन एमसीसीको बिरुद्धमा नाराबाजी सहित प्रदर्शन गरेको छ । अमेरिकी सहयोग परियोजना मिलिनियम च्यालेन्ज कर्पोरेसन (एमसीसी) सम्बन्धी सम्झौता संसद्‍बाट पारित नगराउनका निम्ती खबरदारी गर्दै मजदूर किसान पार्टीले बिरोध प्रदर्शन गरेको हो ।

पार्टीका कार्यकर्ताहरुले पर्चा, पम्प्लेटसहित प्रदर्शन गरेका छन् । नेपाल मजदूर किसान पार्टीले आज काठमाडौं र देशका बिभिन्न शहरहरुमा एकै साथ एमसीसीको बिरुद्धमा प्रदर्शन गरेको छ ।

यता गृहमन्त्री बालकृष्ण खाँणले भने एमसिसी(मिलेनियम च्यालेन्ज कर्पोरेशन) राजनीतिक दलहरुबीचको सहमतिबाटै पास हुने विश्वास व्यक्त गर्नुभएको छ । एकातिर सरकार एमसिसी पासा गर्नुपर्छ भनेर सहमती खोज्दै गर्दा नागरिकहरुले भने लामो समय देखी एमसिसी विरुद्ध सडक संघर्षका कार्यक्रमहरु गर्दै आएका छन् ।