सीके राउत नेतृत्वको जनमत पार्टीका कार्यकर्तहरुले सवारी साधनहरु तोडफोड गर्ने र सडकमा लाठी र भाटा सहित आन्दोलन अगाडि बढाएपछी सिरहामा २ दिनको लागि निषेधाज्ञा जारी गरिएको छ ।

आफ्ना कार्यकर्ताहरुलाई प्रहरिले पक्राउ गरेको भन्दै जनमत पार्टीका कार्यकर्तहरुले सवारी साधनहरु तोडफोड गर्दै आन्दोलन गर्न थालेपछी सिराहा प्रशासनले मंगलबार र बुधबारका लागि निषेधाज्ञा जारी गरेको छ । निषेधाज्ञा बिहान ५ बजेदेखि बेलुका ७ बजेसम्म रहनेछ । निषेधाज्ञा अवधिभर बाहिर हिंडडुल गर्न, भेला हुन र अन्य कुनै पनि किसिमका राजनीतिक गतिविधी गर्न नपाइने प्रमुख जिल्ला अधिकारी लालबाबु कवारीले जानकारी दिनुभएको छ । निषेधाज्ञा अवधिभर राष्ट्रिय लोकमार्ग र सिरहा चोहर्वा सडकखण्डमा यातायात भने सुचारु रहनेछ ।

सरकारले स्थानीय स्वास्थ्य चौकीमा भण्डारण गरेर राखेको गहुँको बिउ वितरण गर्न ढिलाइ गरेको भन्दै केही किसानहरुले पुस २ गते सो गहुँ आफैं लगेपछी, गहुँ लुटेको आरोपमा प्रहरीले चार जनाविरुद्ध मुद्दा दायर गरेको र एक जनालाई पक्राउ गरेको थियो। सोही बिषयमा आफ्नो कार्यकर्ता पक्राउ गरेको भन्दै सिके राउत नेतृत्वको जनमत पार्टीले केही दिन यता सिरहामा आन्दोलन गर्दै आएको छ ।

तस्विर : द राइसिङ नेपाल