नेपाली कांग्रेसका सभापति एवं प्रधानमन्त्री शेरबहादुर देउवाले एमसीसी राष्ट्रघाती नभएको दाबी गर्दै एमसीसीबारे पहिले पढेर मात्र प्रतिक्रिया दिन आग्रह गर्नुभएको छ ।
नेकपा माओवादी केन्द्रको आठौं महाधिवेशनलाई सम्बोधन गर्दै देउवाले एमसीसीबारे अध्ययन गरेर मात्र बोल्न जनतालाई आग्रह गर्नुभयो । उहांले भन्नुभयो, ‘यदि एमसीसी देशद्रोह हो भने म पनि चाहन्न ।

आफुले लामो समयदेखि नेपालको राष्ट्रियताका लागि लड्दै आएको र राष्ट्रलाई धोका दिने कुनै सन्धिमा हस्ताक्षर नगर्ने बताउनुभयो । ‘म पनि नेपालको प्रधानमन्त्री हुँ । के म कहिल्यै नेपालको राष्ट्रियता विरुद्ध जान सक्छु ?” म पनि राष्ट्रका लागि लडेको मान्छे हुँ, किन यस्तो देशद्रोही सन्धि गरुँ ? ’ उहांले प्रश्न गर्नुभयो ।

प्रधानमन्त्री देउवाले एमसीसी सहमतिबाट पारित हुने कुरामा पनि आफु ढुक्क रहेको बताउनुभएको छ ।

तस्विर : कान्तिपुर