चार महिना बितिसक्दा पनि सरकारले धितोपत्र बोर्डमा अध्यक्ष नियुक्ती गर्न नसक्दा पाइपलाईनमा रहेका नयाँं आइपिओ निष्काशन नहुने भएको छ ।

सरकारले नेपाल धितोपत्र बोर्डका अध्यक्ष भिस्म राज ढुंगानालाई पदको दुरुपयोग गरेर कम्पनीहरुसंग शेयर खरिदबिक्रीमा अनियमितता गरेको भन्दै बर्खास्त गरेपछी लामो समयसम्म धितोपत्र बोर्ड अध्यक्ष बिहिन बनेको छ । झण्डै ४ महिना बितिसक्दा पनि सरकारले बोर्ड अध्यक्ष नियुक्त गर्न सकेको छैन।यति बेला बोर्डमा २८ कम्पनी प्राथमिक शेयर निष्काशन अनुमतिको पर्खाइमा रहेका छन् भने ७ अर्ब ३९ करोड ६६ लाख चार सय रुपैयाँ बराबरका ६ करोड ७२ लाख ४६ हजार चार कित्ता शेयर पाइप लाइनमा रहेका छन् । तर नेपाल धितोपत्र बोर्डमा नयाँं अध्यक्ष नियुक्ति नभए सम्म कुनै पनि कम्पनिले नयाँ आइपिओ जारीगर्न नपाउने भएको छ । लगानीको अवसर गुमाउँदै गएका लगानिकर्ताहरुले,खर्बौं रुपैयाँं बराबरको पुंजी बजारलाई सरकारले बेवास्ता गर्नुलाई सरकारको अदुर्दर्शिता र निकम्मापनको संज्ञा दिंदै बिभन्न सामाजिक सञ्जालहरुमा सरकारप्रतिको आक्रोस ब्यक्त गरिरहेका छन् ।
सरकारले नयाँं अध्यक्ष नियुक्ति गर्न बनाएको कार्यसमिती पनि विवादमा तानिएपछी अध्यक्ष नियुक्तिको प्रकृया झनै ओझेलमा परेको छ ।