नेकपा (क्रान्तिकारी माओवादी)का नेता सिपी गजुरेलले जनयुद्धपुर्वको केन्द्रीय समितिको प्रतिवद्धता पुर्नस्थापना भए मात्र पूर्व माओवादीहरुबिच एकिकरणका सम्भव हुने बताउनु भएको छ ।

आइतवार नेकपा (माओवादी केन्द्र)को आठौं राष्ट्रिय महाधिवेशन उद्घाटन समारोहमा बोल्दै नेता गजुरेलले आफूहरुले पूर्व माओवादीहरुको एकतालाई सकारात्मक रुपमा लिएको तर त्यसको लागि जनयुद्ध पुर्वको केन्द्रीय कमिटीले गरेका प्रतिवद्धताहरु पुरा हुनुपर्ने धराणा ब्यक्त गर्नुभएको छ ।

उहांले जनयुद्धले लिएको लक्ष्य अधुरो र अपुरो रहेको र नेपाललाई जनगणतन्त्र बनाउनका लागि पुर्वयोजना अनुरुपको कार्यक्रम पारित गरी एमसीसी खारेज गराउन महाधिवेशनले जोड गरेमा एकता हुनसक्ने बताउनुभयो । साथै माओवादी केन्द्रले कालापानि, लिपुलेक र लिम्पियाधुरा लगायतका मिचिएका नेपाली भुमि फिर्ता लिन प्रतिवद्धता जाहेर गरेमा आफुहरु एकताको लागि साकारात्मक रहेको बताउनुभयो ।