अन्तर्राष्ट्रिय बजारमा रासायनिक मलको मूल्य करिब तीन गुणा बढीले वृद्धि हुँदा मल खरिदका लागि बजेट अपुग भएपछी कृषि तथा पशुपन्छी विकास मन्त्रालयले थप १२ अर्ब रूपैयाँ माग गरेको छ।

चालु आर्थिक वर्षमा मल खरिदका लागि सरकारले विनियोजन गरेको १५ अर्ब रूपैयाँ बजेटले नपुगेपछि थप बजेट माग गरेको मन्त्रालयले जनाएको छ । चालु आर्थिक वर्षमा मन्त्रालयले ४ लाख मेट्रिक टन रासायनिक मल ल्याउने तयारी गरेको छ । तर मागअनुसार बजेट विनियोजन नहुँदा रासायनिक मलको अझै अभाव हुन सक्ने कृषि मन्त्रालयले जनाएको छ। सरकारले चालु आवमा करिब चार लाख मेट्रिक मल बिक्री गर्ने योजना बनाएको थियो।