११ पुष, लहान । सिराहाको मिर्चैयामा सिके राउतका कार्यकर्ताहरुले सवारी साधनहरू तोडफोड गरेका छन् ।

औरही गाउँपालिकाले किसानलाई वितरण गर्न भनी स्थानीय स्वास्थ्य चौकीमा भण्डारण गरेर राखेको गहुँको बिउ वितरण गर्न ढिलाइ गरेको भन्दै केही किसानहरुले पुस २ गते सो गहुँ आफैं लगेका थिए । गहुँ लुटेको आरोपमा प्रहरीले चार जनाविरुद्ध मुद्दा दायर गरेको र एक जनालाई पक्राउ गरेको आरोपमा सिके राउत नेतृत्वको जनमत पार्टीले आज बन्द आह्वान गरेको थियो । बन्द उल्लंघन गरेको भन्दै राउतका कार्यकर्ताहरुले प्रहरी नभएको मौका पारी सवारी साधन तोडफोड गरेका हुन् ।
सवारी साधन तोडफोड भएपनी लामो र छोटो दुरीका गाडीहरू चलिरहेका छन् र बन्दको प्रभाव अहिले न्युन रहेको छ ।