प्रधानमन्त्री तथा नेपाली कांग्रेसका सभापति देउवाले आफु सबैको साझा सभापति भएको र सबैको भावना समेटेर पार्टिलाई अगाडि बढाउने बताउनु भएको छ ।

पार्टी केन्द्रिय कार्यलय सानेपामा १४ औं महाधिवेशनबाट निर्वाचित नेपाली कांग्रेसका पदाधिकारी र केन्द्रीय सदस्यलाई प्रमाणपत्र वितरण गर्ने कार्यक्रममा कार्यकर्ताहरुलाई सम्बोधन गर्दै देउवाले सो कुरा बताउनु भएको हो । उहांले आगामी निर्वाचनमा नेपाली कांग्रेसलाई सबैभन्दा ठुलो पार्टी बनाउने र त्यसका लागि सबै एकजुट भएर लाग्नुपर्ने पनि बताउनुभएको छ ।उहांले भन्नुभयो,”‘हाम्रो पार्टी जनतासँग भिजेको पार्टी हो, स्थानीय र सबै चुनावमा पार्टीलाई ठूलो बनाउनुछ ।”

केन्द्रीय निर्वाचन समितिका संयोजक गोपालकृष्ण घिमिरेले देउवासहित पदाधिकारी र केन्द्रीय सदस्यहरुलाई प्रमाणपत्र हस्तान्तरण गर्नुभएको हो ।१४ औं महाधिवेशनबाट १ सय ३४ सदस्यीय केन्द्रीय कार्यसमिति निर्वाचित भएको थियो।