बाग्मती प्रदेशको बाणिज्य तथा आपूर्ति मन्त्रीमा मिलनबाबु श्रेष्ठ र भूमि व्यवस्था, सहकारी तथा गरिबी निवारण मन्त्रीमा बलराम पौडेल नियुक्त हुनुभएको छ । प्रदेश प्रमुखको कार्यालयमा नवनियुक्त उद्योग, बाणिज्य तथा आपूर्ति मन्त्री मिलनबाबु श्रेष्ठ र भूमि व्यवस्था, सहकारी तथा गरिबी निवारण मन्त्री बलराम पौडेलले शुक्रबार साँझ शपथ ग्रहण गरेका छन् । प्रदेश प्रमुख यादव शर्माले नवनियुक्त मन्त्रीहरुलाई पद तथा गोपनियताको शपथ ग्रहण गराएका थिए ।

त्यसैगरी नवनियुक्त संस्कृति तथा पर्यटन मन्त्री दीपेन्द्र श्रेष्ठ, भौतिक पूर्वाधार विकास राज्यमन्त्री सन्तबहादुर प्रजा, स्वास्थ्य राज्यमन्त्री कल्पना नेपाली, उद्योग, बाणिज्य तथा आपूर्ति राज्यमन्त्री रजनी अमात्य जोन्छेले पनि पद तथा गोपनियताको शपथ ग्रहण गरेका छन् ।
मन्त्रालय विभाजन गरेर मन्त्रीको संख्या बढाएको भन्दै मुख्यमन्त्री पाण्डे चौतर्फी रुपमा आलोचित भइरहेको बेला बाग्मती प्रदेश सरकारले पुन ३ जना मन्त्री र ३ जना राज्यमन्त्री नियुक्त गरेको छ । आजको नियुक्तिसँगै वाग्मती प्रदेशमा १४ जना मन्त्री र ४ जना राज्यमन्त्री भएका छन् ।