आज बसेको विवेकशील साझा पार्टीको केन्द्रीय समिति बैठकले पार्टीका संयोजक मिलन पाण्डेलाई पार्टीको साधारण सदस्य समेत नरहने गरी कारबाही गरेको छ ।
पार्टी विधान र केन्द्रीय समितिका निर्णयहरू विपरीत गतिविधि गरेको भन्दै पाण्डेलाई पार्टीले कारबाही गरेको हो । यस अघी पनि केन्द्रीय समितिको बैठकमा निरन्तर अनुपस्थित भएको भन्दै पार्टिले उनलाई स्पष्टीकरण सोधेको थियो । पौष ४ गतेसम्म स्पष्टीकरण दिनुपर्नेमा एक दिन ढिलो गरी दिएको स्पष्टीकरण चित्त नबुझ्दो भएको बताउंदै केन्द्रिय समितिले पाण्डेलाई कारबाही गरेको हो ।तर पाण्डेले भने कारबाही अवैध रहेको भन्दै उक्त निर्णय अस्वीकार गर्ने बताएका छन् ।
पार्टीको सिद्दान्त र कार्यशैलीको विषलाई लिएर पार्टिका अध्यक्ष रबिन्द्र मिश्र र संयोजक पाण्डेबीच लामो समयदेखीनै विवाद चल्दै आएको थियो । पछिल्लो समय मिश्रले संघीयता खारेज गर्ने र धर्म निरपेक्षताबारे जनमत संग्रह गर्ने प्रस्ताव ल्याएपछि पाण्डेले विरोध गर्दै आएका थिए ।