स्वास्थ्य तथा जनसङ्ख्या मन्त्रालयले यही पुस ४ देखि १४ गतेसम्म ५७ जिल्लाका १२ वर्षदेखि १७ वर्ष उमेर समूहका विद्यार्थीहरुलाई मोडर्ना खोपको पहिलो मात्रा लगाउने भएको छ ।

खोप उपलब्ध हुने जिल्लाहरु निम्नानुसार रहेका छन् ।

प्रदेश नं १ ताप्लेजुङ, सङ्खुवासभा, ओखलढुङ्गा, खोटाङ, भोजपुर, धनकुटा, तेह्रथुम, पाँचथर, इलाम र उदयपुर ।
प्रदेश नं २ सिराहा, महोत्तरी, सर्लाही, रौतहट र बारा ।

वाग्मती प्रदेश: दोलखा, सिन्धुपाञ्चोक, रसुवा, धादिङ, नुवाकोट, रामेछाप र मकवानपुर ।
गण्डकी प्रदेश: गोरखा, मनाङ, मुस्ताङ, म्याग्दी, लमजुङ, तनहुँ, नवलपरासी पूर्व, स्याङ्जा र पर्वत ।
लुम्बनी प्रदेश: रुकुमपूर्व, रोल्पा, प्यूठान, गुल्मी, अर्घाखाँची, पाल्पा, नवलपरासी पश्चिम, कपिलवस्तु र बर्दिया ।

कर्णाली प्रदेश: डोल्पा, मुगु, हुम्ला, जुम्ला, कालीकोट, दैलेख, जाजरकोट, रुकुमपश्चिम र सल्यान ।
सुदूरपश्चिम प्रदेश : बाजुरा, बझाङ, दार्चुला, बैतडी, डोटी, अछाम र कञ्चनपुर ।

उल्लेखित जिल्लाका विद्यार्थीलाई दोस्रो मात्रा भने माघ २ देखि १२ गतेसम्म सञ्चालन गर्नेछ ।

मन्त्रालयले यही पुस १३ देखि २२ गतेसम्म काठमाडौँ, ललितपुर, भक्तपुर, काभ्रेपलाञ्चोक, चितवन, सिन्धुली, डडेल्धुरा र सुर्खेतका बालबालिकालाई फाइजर खोपको पहिलो मात्रा सञ्चालन गर्दैछ भने, खोपको दोस्रो मात्रा माघ ४ देखि १३ गतेसम्म सञ्चालन हुनेछ ।