एमाले नेता भीम रावलले आफूलाई नसोधी केन्द्रीय सल्लाहकार परिषद्‍को सदस्य नियुक्ति गरेकोमा आपत्ति जनाउनु भएको छ ।
एमालेको दसौं महाधिवेशनमा अध्यक्षमा केपी शर्मा ओलीसँग पराजित भएपछी पार्टिको कुनै पनि पदमा नरहेका नेता रावललाई सल्लाहकारमा राखिएको एमालेका महासचिव शंकर पोखरेलले बताउनु भयो ।

यसअघि कुनै कमिटीमा नबस्ने घोषणा गरेका नेता रावललाई सोध्दै नसोधी नियुक्ति गरेको थाहा पाएपछी नेता रावलले सामाजिक सन्जाल ट्विटरमा आफ्नो कुरा राख्दै आपत्ति जनाउनु भएको छ । ट्विटरमा उहांले लेख्नुभएको छ, ‘मलाई नेकपा (एमाले) को केन्द्रीय सल्लाहकार परिषद्को सदस्य बनाइएको समाचार सुनियो । यो सत्य हो भने, मलाई सोध्दै नसोधी कुनै पदको टीका लगाइदिनु आपत्तिजनक छ। यस्तो टीके प्रणाली जनताको बहुदलीय जनवाद र लोकतान्त्रिक मान्यताको विपरीत हुन्छ ।’