काठमाडौंमा जारी कांग्रेसको १४ औँ महाधिवेशन अन्तर्गत सभापति चयनको लागि भएको दोश्रो चरणको निर्वाचनमा प्रतिस्पर्धी शेखर कोइरालालाई हराउंदै, देउवा पुन दोश्रो कार्यकालको लागि नेपाली कांग्रेसको सभापतिमा निर्वाचित हुनुभएको छ ।

पहिलो चरणको मतदानमा कसैले पनि बहुमत प्राप्त गर्न नसकेपछि सबैभन्दा धेरै मत प्राप्त गर्ने देउवा र कोइरालाबीच मंगलबार दोस्रो चरणको मतदान भएको थियो ।सभापतिका लागि देउवा र कोइरालासहित प्रकाशमान सिंह, विमलेन्द्र निधि र कल्याण गुरुङले उम्मेद्बारी दिएका थिए ।महाधिवेशनमा देशभरका ४ हजार ७ सय ४३ महाधिवेशन प्रतिनिधिहरू सहभागी भएका थिए ।