काठमाडौं – विशेष अदालतले संविधानसभाका पूर्व सदस्य तथा नागरिक बचत तथा ऋण सहकारी लिमिटेडका संस्थापक इच्छाराज तामाङलाई तीन वर्ष कैद र १ अर्ब ७३ करोड रुपैयाँ जरिवानाको फैसला सुनाएको छ ।

अदालतले तामाङकी श्रीमतीलाई एक वर्ष ६ महिना जेल सजाय र १ अर्ब ३६ करोड जरिवाना समेत गरेको छ । अदालतले २५ करोड ६५ लाख जरिवानाका साथै नागरिक बचत तथा ऋण सहकारी लिमिटेडका तत्कालीन अध्यक्ष केशवलाल श्रेष्ठलाई डेढ वर्ष कैद सजाय सुनाएको छ ।

विशेष अदालतका अध्यक्ष एवं न्यायाधीश टेकनारायण कुँवर, न्यायाधीश तेजनारायण सिंह राई र मुरारीबाबु श्रेष्ठको पूर्ण इजलासले उनीहरुलाई दोषी ठहर गर्दै सजाय तोकेको हो ।मुद्दामा तामाङ र उनकी श्रीमतीसहित तीन जना दोषी ठहर भएका छन् ।

अदालतले उनीहरुको सम्पत्ति जफत गर्ने निर्णय गर्दै उक्त सम्पत्ति सहकारी पीडित बचतकर्ताको रकम फिर्ता गर्न प्रयोग हुने बताएको छ ।सिभिल सहकारीका बचतकर्ताको अर्बौं रुपैैंया घोटालाको अभियोगमा उनीहरु विरुद्ध ठगी मुद्दा चलाइएको थियो ।