विदेशीक रोजगारीको लागि सरकारले ७१ देशमा श्रम स्वीकृतिका लागि पहल अघि बढाएको छ।

आइतबार श्रम, रोजगार तथा सामाजिक सुरक्षा मन्त्रालयले आयोजना गरेको पत्रकार सम्मेलनमा जर्मनी, रोमानिया, इराक लगायतका विभिन्न देशमा श्रम रोजगारीका लागि पहल भइरहेको जानकारी दिएको छ।

श्रममन्त्री शरदसिंह भण्डारीले श्रम र रोजगारसम्बन्धी जोडिएर आएका मुद्दा तदारुकताका साथ सम्बोधन गर्न र श्रम बजारसम्म श्रमिकको सहज पहुँच स्थापित गर्दै वैदेशिक रोजगारीलाई व्यवस्थित तुल्याउनमन्त्रालय कटिबद्ध रहेको पनि बताएका छन्।

मन्त्री भण्डारीले तोकिएको मापदण्ड पालना नगर्ने वैदेशिक रोजगारदाता कम्पनीलाई कारबाहीको दायरामा ल्याइने समेत बताएका छन्।

नेपालसँग दौत्य सम्बन्ध स्थापना भएका मुलुकमा वैदेशिक रोजगारका लागि श्रमिक पठाउने विषयमा अध्ययन र गृहकार्य गर्न सम्बन्धित देशमा रहेका दूतावास र निगमलाई पहल र प्रयत्न गर्न सुझाव दिइएको पनि उनले बताएका छन्।