एमाले सांसद भीम रावलले मिलेनियम च्यालेन्ज कर्पोरेसनलाई प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहालले एमसीसी पारित गर्ने भनेर लेखेको पत्रबारे छानबिन गरी कारबाही गर्नुपर्ने माग गरेका गर्नुभएको छ ।

नेपालको कूटनीति कमजोर पार्नेगरी देशको उच्च ओहोदामा बसेको व्यक्तीद्वारा जुन आशयको पत्र लेखियो त्यो अत्यन्तै आपत्तिजनक भएको आजको अन्तर्राष्ट्रिय सम्बन्ध समितिको बैठकमा नेता रावलले बताउनुभएको छ । उहांले भन्नुभयो,”कसरी कूटनीतिलाई कमजोर बनाइँदैछ र कसरी देशको स्वाभिमानमा धक्का पुग्दैछ भन्ने कुराको यो नमुना हो.”

‘यस्तो तरिकाले कूटनीति चल्छ ?’ रावलको प्रश्न थियो । देउवा र दाहाललाई कस्ता कूटनीतिज्ञले यस्तो सुझाव दिएको हो भन्ने जिज्ञासा राख्दै, प्रतिनिधिसभामा विचाराधीन सम्झौता यस्तो र उस्तो गर्छौं भनेर पत्र लेख्ने अधिकार कुनै नेतामा नभएको उहांले बताउनुभएको छ ।

‘प्रतिनिधिसभामा दर्ता गरिएको सम्झौता यस्तो र उस्तो गर्छौं भन्ने अधिकार उहाँहरूसँग हुन्छ ? आफ्नो देशका जनताका कुरा नसुन्ने तर अर्कोलाई यस्तो पत्र लेख्ने ? यसमाथि छानबिन भएर कारबाही हुनुपर्छ, नेता रावलले भन्नुभयो ।