काठमाडौँ- जेनजी आन्दोलनमा ज्यान गुमाएका १० जनाको आज अन्त्येष्टि गर्ने तयारी गरिंदै छ । अन्त्यष्टि अगाडी उनीहरुको सामुहिक शवयात्रा निकाल्ने तयारी हुँदैछ। यसअघि नै जेनजी आन्दोलनका क्रममा ज्यान गुमाएका केही “जेन जी”मृतकहरुको भने दाहसंस्कार भइसकेको छ ।

सामुहिक शवयात्रा निकाल्नको लागि अहिले महाराजगन्जस्थित त्रिवि शिक्षण (टिचिङ) अस्पतालमा त्यसको तयारी भइरहेको छ। आन्दोलनका क्रममा घाइते भई त्यहाँ उपचारका क्रममा मृत्यु भएका १० जनाको शव यात्रा निकाल्न लागिएको हो।

१० जना मृतकको शवमध्ये ६ जनाको शवलाई त्रिभुवन अन्तर्राष्ट्रिय विमानस्थल लगिने र त्यहाँ बाट विमान मार्फत उनीहरुको घर परिवारसम्म शव पुर्याइने छ भने बाँकी ४ जनालाई पशुपति आर्यघाटमा राष्ट्रिय सम्मानका साथ सामूहिक अन्त्येष्टि गरिने र अन्तिम श्रद्धाञ्जलि दिने बताइएको छ।

भ्रष्टाचारविरुद्ध जेनजी नेतृत्वमा भदौ २३ र २४ गते भएको प्रदर्शनमा हालसम्म ७२ जनाले ज्यान गुमाइसकेका छन्।