हातखुट्टा बाँधेर काम गर भन्ने जिम्मेवारी चाहिँदैन भन्ने सुशिला कार्कीको अभिव्यक्ति

काठमाडौं – जेनजी आन्दोलनकारीहरूको मागअनुसार पूर्वप्रधानन्यायाधीश सुशीला कार्कीलाई अन्तरिम प्रधानमन्त्री बनाउने विषयमा राष्ट्रपति रामचन्द्र पौडेल र प्रमुख दलका नेताहरू सहमत भएका थिए। तर आन्दोलनका क्रममा भएको दमन र ५१ जनाको मृत्युबारे उच्चस्तरीय छानबिन गर्ने विषयमा दलहरूबीच असहमति भएपछि अन्तरिम सरकार गठन प्रक्रियामा अवरोध आएको छ।

माओवादी अध्यक्ष पुष्पकमल दाहाल, कांग्रेस सभापति शेरबहादुर देउवा र एमाले अध्यक्ष केपी शर्मा ओलीले आन्दोलनमा भएको बल प्रयोगबारे छानबिन गर्न अस्वीकार गरेका छन्। उच्च स्रोतका अनुसार दलहरूले छानबिन आयोग गठन भएमा जनतामा दलहरूविरुद्ध आक्रोश बढ्ने भन्दै सहमत नदेखाएका हुन्।

छानबिनको विषय अस्वीकार भएपछि प्रस्तावित प्रधानमन्त्री कार्कीले बैठकमै भनिन्, “हातखुट्टा बाँधेर काम गर्ने जिम्मेवारी मलाई चाहिँदैन।”