काठमाडौँ । नेपाल राष्ट्र बैंकले बैंक तथा वित्तीय संस्थाहरूलाई अत्यावश्यक सेवा अवरुद्ध हुन नदिने गरी निरन्तर सञ्चालन गर्न निर्देशन दिएको छ।

बिहीबार विज्ञप्ति जारी गर्दै राष्ट्र बैंकले नेपाली सेनाले जारी गरेको निर्देशन अनुसार संवेदनशील प्रणाली सञ्चालन गरी आवतजावत हुने अवस्थामा पनि अत्यावश्यक बैंकिङ र डिजिटल भुक्तानीसम्बन्धी सेवा दिनुपर्ने जनाएको छ।

यस्तै, आवश्यक परे रिमोट एक्सेसमार्फत् सञ्चालन गर्ने व्यवस्था मिलाउन पनि राष्ट्र बैंकले आग्रह गरेको छ। साथै, यससम्बन्धी सूचना आफ्नो आधिकारिक वेभसाइटमार्फत् सार्वजनिक गर्न संस्थाहरूलाई अनुरोध गरिएको छ।