काठमाडौँ — राजधानीका विभिन्न स्थानमा लुटपाट गर्ने समूह हतियारसहित सक्रिय भएको पाइएको छ। केही स्थानमा ती समूहमाथि फायरिङ समेत भएको र कतिपय क्षेत्रमा दोहोरो भिडन्तसम्म भएको सुरक्षास्रोतले जनाएको छ।

नेपाली सेनाले टुसाललगायतका स्थानमा फायरिङ गरी हतियारधारीहरूलाई नियन्त्रणमा लिएको छ। सो क्रममा हतियार, गोली, पकेट बम र पेस्तोल समेत बरामद गरिएको बताइएको छ।

सुरक्षास्रोतका अनुसार केही हतियार प्रहरीबाट लुटिएका हुन सक्ने आशंका गरिएको छ भने कतिपय हतियार भने सुरक्षाकर्मीले पनि प्रयोग नगर्ने किसिमका रहेका छन्। यसैबीच, प्रदर्शनकारीहरूले विभिन्न स्थानमा बमसमेत विस्फोट गराएका छन्।

नेपाली सेनाले काठमाडौंको बानेश्वरस्थित राष्ट्रिय वाणिज्य बैंक लुटपाट गर्ने कार्यमा संलग्न पांच जनालाई पनि पक्राउ गरिएको सेनाले जनाएको छ ।