काठमाडौँ- प्रतिनिधिसभाको बैठकलाई सम्बोधन गर्दै नेमकिपा सांसद प्रेम सुवालले १८१६ को सुगौली सन्धि अनुसार कालापानी, लिपुलेक र लिम्पियाधुरा नेपालकै भूभाग रहेको र कालापानिबाट भारतीय सेना तुरुन्त फिर्ता गरिनुपर्ने बताएका छन्न्।

त्यसैगरी, संसदको दुई तिहाई बहुमतले पारित गरेर जारि गरेको चुच्चे नक्शा संयुक्त राष्ट्रसंघ अन्तर्गतका सबै मुलुकहरुमा सरकारले पठाउनुपर्ने र उनीहरुलाई जानकारी गराउनुपर्ने पनि सुवालले बताएका छन्।

गठबन्धन सरकारप्रति इङ्गित गर्दै, नेपालमा सबैभन्दा ठुलो दलले सरकार चलाउने बेलायती व्यवस्थाको प्रजातन्त्र नचलेको पनि उनले बताएका छन्। त्यसैगरी, सरकारले रुस युक्रेन युद्धको विषयमा युक्रेनको पक्षमा मतदान गर्नु नेपालको असंलग्न परराष्ट्र नीति विपरित भएको भन्दै, सरकारको परराष्ट्र नीति नाटोको पुच्छरमा सिमित भएको हो र?, भनेर सरकारलाई प्रश्न समेत गरेका छन।