राष्ट्रपति निर्वाचित डोनाल्ड ट्रम्पले सोमबार पदभार ग्रहण गर्दा टिकटक एपलाई सुचारु गर्न कार्यकारी आदेश जारी गर्ने बताएपछि टिकटकले अमेरिकामा आफ्नो प्लेटफर्म पुनः सुरु गरेको छ।

राष्ट्रिय सुरक्षाको आधारमा प्रतिबन्ध लगाउने कानून लागू भएपछि शनिबार साँझ चिनियाँ स्वामित्वमा रहेको एपले अमेरिकी प्रयोगकर्ताहरूको लागि काम गर्न बन्द गर्यो।

पहिले प्लेटफर्मको प्रतिबन्धलाई समर्थन गरेका ट्रम्पले आइतबार कानूनको कार्यान्वयनमा ढिलाइ गर्ने र सम्झौताको लागि थप समय दिने वाचा गर्दै टिकटकले “सेवा पुनर्स्थापित गर्ने” प्रक्रियामा रहेको बताएका छन् ।

त्यसको लगत्तै, एपले फेरि काम गर्न थाल्यो र यसका लाखौं प्रयोगकर्ताहरूलाई पपअप सन्देश पठाएर ट्रम्पको नाम लिएर धन्यवाद दियो। एक विज्ञप्तिमा, कम्पनीले आगामी राष्ट्रपतिलाई “आवश्यक स्पष्टता र आश्वासन प्रदान गरेकोमा” धन्यवाद दिंदै र “संयुक्त राज्य अमेरिकामा टिकटकलाई कायम राख्ने दीर्घकालीन समाधानमा” ट्रम्पसँग काम गर्ने बताएको छ।

टिकटकका सीईओ शाउ च्यु सोमबार ट्रम्पको पदभार ग्रहण समारोहमा समेत उपस्थित हुने अपेक्षा गरिएको छ।