वासिङ्टन- एफ-१६ लडाकू विमानहरू पश्चिमले कीभमा हस्तान्तरण गर्ने र युक्रेनभित्रै रहने अमेरिकी राष्ट्रिय सुरक्षा सल्लाहकार जेक सुलिभानले बताएका छन् ।

युक्रेनको स्वामित्वमा रहेको एफ १६ जहाजहरू रुसी सेनाहरू विरुद्ध सञ्चालन गर्दा नाटो अड्डाहरूबाट उड्ने हो या युक्रेनबाटै भन्ने पत्रकारहरुको प्रश्नमा भने उनले कुनै प्रतिक्रिया दिएनन्।

सुलिभानले कुल कतिवटा लडाकु विमानहरू कीभमा हस्तान्तरण गरिनेछ, र तिनीहरूले लडाई अभियानहरू कहिले सुरु गर्न सक्छन् भनेर भन्नसमेत अस्वीकार गरेका छन् ।

यता, रुसी राष्ट्रपति भ्लादिमिर पुटिनले युक्रेनलाई एफ–१६ लगायतका नयाँ हतियारको वितरणले युद्धभूमिको अवस्थालाई परिवर्तन नगर्ने , तर यसले स्थितिलाई लम्ब्याउने बताएका छन् । यसअघि पनि उनले जुन देशको भूभागबाट ति जहाजहरु रुस विरुद्ध प्रयोग गरिनेछन ति देशहरु विरुद्ध पनि रुसले समानान्तर प्रतिक्रिया जनाउने चेतावनी दिएको छ।