काठमाडौं — राष्ट्रपति रामचन्द्र पौडेल र प्रधानमन्त्री केपी शर्मा ओलीबीच आइतबार बिहान शीतलनिवासमा भेटवार्ता भएको छ।

प्रधानमन्त्री कार्यालयका अनुसार प्रधानमन्त्री ओली बिहान राष्ट्रपति भवन पुगेर राष्ट्रपति पौडेलसँग सरकारका गतिविधि र पछिल्लो राजनीतिक परिस्थितिबारे कुराकानी गरेका हुन्।

प्रधानमन्त्रीको सचिवालयले यो भेटलाई नियमित संवादको हिस्सा बताएको छ। भेटका क्रममा प्रधानमन्त्री ओलीले हालै सम्पन्न तुर्कमेनिस्तान भ्रमण र भूपरिवेष्टित विकासशील राष्ट्रहरू (एलएलडिसी) को तेस्रो संयुक्त राष्ट्रसंघीय सम्मेलनमा आफ्नो सहभागितासम्बन्धी विवरण राष्ट्रपतिलाई जानकारी गराएका छन्।