निर्वाचन आयोगले आजदेखि लागु हुनेगरि निर्वाचन आचारसंहिता जारि गरेको छ।आयोगले जारि गरेको आचारसंहितामा विभिन्न सरकारी तथा निजि संस्था, पत्रकार,सुरक्षाकर्मी ,राजनीतिक दल, उम्मेदवार र नागरिक समाज लागायत समाजका विभिन्न पक्षले निर्वाचन अवधिभर गर्नहुने र गर्ननहुने कुराहरु उल्लेख गरिएको छ।

आयोगले सार्वजनिक गरेको आचारसंहितामा बिहान ७ देखि बेलुका ७ बजेसम्म मात्रै चुनाव प्रचार गर्न पाइने र चुनाव प्रचारप्रसारमा २५ जनाभन्दा बढी जान नपाइने उल्लेख गरिएको छ। राजनीतिक दल वा उम्मेदवारले चुनावी चिन्ह अंकित कुनै पनि ज्याकेट, सर्ट, भेस्ट, टिसर्ट, टोपी वा टोपी लगाउन पाउने छैनन्। त्यसैगरी प्रधानमन्त्री, मुख्यमन्त्री र मन्त्रीले आफ्नो निर्वाचन क्षेत्रमा मात्रै प्रचार गर्न पाउने, स्थानीय तहका कार्यपालिका सदस्यहरु चुनावी प्रचारमा सहभागी हुन नपाउने ,उम्मेदवारको पक्ष–विपक्षमा प्रस्तुत हुन नपाइने, राष्ट्रिय झन्डा प्रयोग गर्न नपाइने,उम्मेदवारले व्यक्तिगत विवरण र सम्पत्ति विवरण खामबन्दी पेस गर्नुपर्ने, आयोगले अनुमति दिएका मुख्य प्रचारकले मात्र हेलिकोप्टर सेवा प्रयोग गर्न सक्ने लगायतका बुंदाहरु समेटिएको छ।