खराब मौसमको कारण आज बिहानैदेखी आन्तरिक र अन्तर्राष्ट्रिय उडान सेवा प्रभावित बनेको छ । बाक्लो हुस्सु र कुहिरोका कारण भिजिबिलिटी कम भएपछी त्रिभुवन अन्तर्राष्ट्रिय विमानस्थलमा अवतरण र उडान दुबै सेवा अवरुद्ध बनेको छ ।

साउदी अरबबाट आएको हिमालय एयरलाइन्सको विमान मौसमको खराबीका कारण त्रिभुवन अन्तर्राष्ट्रिय विमानस्थलमा अवतरण गर्न नसकेपछी ढाका डाइभर्ट गरिएको छ । त्यस्तै दोहाबाट आएको हिमालय एयरलाइन्स र दुबईबाट आएको फ्लाई दुबईको जहाज पनि लामो समय आकाशमै उडिरहेका थिए भने कुवेतबाट आएको जजिरा एयरलाइन्सका दुइ विमान पनि अवतरण गर्न नसकेपछी निजगढको आकाशमा घुमिरहेको थियो ।

मौसममा देखिएको खराबीकै कारण आज आन्तरिक उडानहरु पनि प्रभावित बनेको छ ।