प्रधानमन्त्री शेरबहादुर देउवा र डा. गोविन्द केसीबीच बालुवाटारमा वार्ता भएको छ । वार्तामा प्रधानमन्त्री देउवाले डा केसीसँग गरेका प्रतिबद्धता र डा केसीले राख्नुभएको ७ बुँदे मागबारे छलफल भएको थियो । वार्तामा केसीसहित उनका अन्य सहयोगीहरुको पनि सहभागिता रहेको थियो भने सरकारको तर्फबाट पुर्व स्वास्थ्य मन्त्री गगन थापा र अन्य पदाधिकारीहरुको उपस्थिती रहेको थियो ।

डा. केसीले भ्रष्टाचारमा मुछिएका बिपी कोइराला स्वास्थ्य विज्ञान प्रतिष्ठान धरानका पदाधिकारीलाई तत्काल बर्खास्त गरी न्यायिक आयोग बनाएर छानबिन सुरु गर्नुपर्ने, सिटिइभिटीका उपाध्यक्ष खगेन्द्रप्रसाद अधिकारीलाई बर्खास्त गर्नुपर्ने, अवैध रुपमा अतिरिक्त शुल्क असुल्ने मेडिकल कलेजहरूको सम्बन्धन खारेजीलगायतका सातबुँदे माग सरकारले तत्काल पूरा गर्नुपर्ने माग प्रस्तुत गर्नुभएको थियो ।

डा.केसी बिभिन्न सरकारको पालामा आम नागरिकको मुद्दालाई लिएर पटक पटक अनशन र धर्नामा बस्नुभएको थियो । सरकार बाहिर रहंदा डा. केसीको मागहरु जायज छन् भनेर उनको समर्थन गरेको कांग्रेसले अब आफु सरकारमा हुंदा डा केसिको मागहरु सम्बोधन गर्छ या गर्दैन भन्ने कुरा आम चासोको विषय बनेको छ ।