बंगलादेशको ढाकामा भइरहेको एसियन सेन्ट्रल जोन महिला भलिबल च्यालेन्ज कपमा नेपालले लगातार तेस्रो जित हातपारेको छ ।

शुक्रबार भएको खेलमा नेपालले बंगलादेशलाई सोझो सेटमा हराएको हो । वरियता क्रममा नेपाल अंकतालिकाको शीर्ष स्थानमा रहेको छ । नेपालले पहिलो खेलमा श्रीलंकामाथि ३-२ को सेटमा जित हात पारेको थियो । यस्तै दोस्रो खेलमा माल्दिभ्सलाई पनि सोझो सेटमा हराएको थियो ।

नेपालले आफ्नो चौथो खेल आइतवार उज्वेकिस्तान र सोमबार कीर्गिस्तानसँग खेल्नेछ ।६ राष्ट्र सहभागी प्रतियोगितामा राउण्ड रोविन लिगपछि शीर्ष दुई टोलीले फाइनल खेल खेल्नेछन् ।