पछिल्लो २४ घण्टामा कोरोना भाइरस (कोभिड–१९) १ हजार ३८६ जनामा संक्रमण पुष्टि भएको छ । संक्रमणबाट थप ११ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार आज देशभर ९ हजार २५१ नमुना परीक्षण गरिएको थियो । ६ हजार ४४३ जनाको पीसीआर परीक्षण गर्दा एक हजार १८३ र दुई हजार ८०८ जनाको एन्टीजेन परीक्षण गर्दा २०३ गरी एक हजार ३८६ जनामा संक्रमण पुष्टि भएको छ ।

हाल देशभर ४५ हजार २४८ संक्रिय संक्रमित छन् । पछिल्लो साता कोरोनाभाइरस संक्रमित हुनेको संख्या निरन्तर घट्दै गएको छ । स्वास्थ्य तथा जनसंख्या मन्त्रालयले संक्रमणदर घट्दै गएको जनाएको छ ।