काठमाडौँ- जल तथा मौसम बिज्ञान विभाग, मौसम पूर्वानुमान महाशाखाका अनुसार देशभर आगामी साताको मौसम यस्तो रहनेछ।

यो साताभर मनसुनी वायूको प्रभाव रहने देखिन्छ । यो साता मनसुनको न्यूनचापिय रेखा सरदर स्थानको उत्तरतिर रहने सम्भावना रहेको छ ।

उच्च पहाडी तथा हिमाली भू-भागः कोशी प्रदेश, बागमती प्रदेश, गण्डकी प्रदेश र लुम्बिनी प्रदेशमा साताको मध्यमा एक-दुई स्थानमा भारी बर्षा र हिमपातको सम्भावना रहेको छ ।साताको शुरु र अन्त्यमा थोरै स्थानहरूमा तथा मध्यमा केही स्थानहरुमा मेघ गर्जन/चट्याङ सहित हल्का देखि मध्यम वर्षा र हिमपातको सम्भावना रहेको छ।

पहाडी भू-भागः साताको मध्यमा बागमती प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशमा एक-दुई स्थानमा भारी बर्षाको तथा कोशी प्रदेश र गण्डकी प्रदेशको थोरै स्थानहरूमा भारी देखि धेरै भारी बर्षाको पनि सम्भावना रहेको छ । साताको शुरु र अन्त्यमा थोरै स्थानहरूमा तथा कोशी प्रदेश, बागमती प्रदेश, गण्डकी प्रदेशमा मध्यमा धेरै स्थानहरू र लुम्बिनी प्रदेश, कर्णाली प्रदेश र सुदूरपश्चिम प्रदेशमा केही स्थानहरुमा मेघ गर्जन/चट्याङ सहित हल्का देखि मध्यम वर्षाको सम्भावना रहेको छ।

तराई भू-भागः बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशमा साताको मध्यमा एक-दुई स्थानमा तथा कोशी प्रदेश र मधेश प्रदेशमा साताको मध्य र अन्त्यमा एक-दुई स्थानमा भारी वर्षाको समेत सम्भावना रहेको छ। साताको शुरु र अन्त्यमा थोरै स्थानहरूमा तथा मध्यमा केही स्थानहरुमा तथा कोशी प्रदेश र मधेश प्रदेशमा मध्यमा धेरै स्थानहरुमा मेघ गर्जन/चट्याङ सहित हल्का देखि मध्यम वर्षाको सम्भावना रहेको छ।
यो साताको शुरु र अन्त्यमा देशभरको अधिकतम र न्यूनतम तापक्रममा उल्लेखनिय परिवर्तन नभएतापनि साताको मध्यमा अधिकतम तापक्रम हल्का घट्ने सम्भावना रहेको छ ।
औसतसँग तुलना गर्दाः यो साता पूर्वी क्षेत्रमा औसत भन्दा थोरै बढी बर्षा र बाँकी स्थानहरूमा औसत बर्षा हुने सम्भावना रहेको छ । सबै प्रदेशमा अधिकतम तापक्रम र न्यूनतम तापक्रम औसत भन्दा बढी रहने सम्भावना रहेको छ ।