संयुक्त राज्य अमेरिकाका राष्ट्रपति डोनाल्ड ट्रम्पले युक्रेनमा प्याट्रियट वायु रक्षा प्रणाली पठाउने बताएका छन् । रूसी राष्ट्रपति भ्लादिमिर पुटिनले युद्ध अन्त्य गर्न वार्ता गर्न अस्वीकार गरेको संकेत गर्दै सो कुरा बताएका हुन्।

“हामी उनीहरूलाई प्याट्रियटहरू पठाउनेछौं, जुन उनीहरूलाई अत्यन्त आवश्यक छ,” ट्रम्पले आइतबार मेरील्याण्डको जोइन्ट बेस एन्ड्रयूजमा पत्रकारहरूसंगको कुराकानीमा भने।

ट्रम्पले यस हप्ता नेटो महासचिव मार्क रुटलाई भेट्ने तयारी गरेका छन् जसले कीभलाई हतियार आपूर्ति गर्ने उनको योजनामा केन्द्रित हुने अपेक्षा गरिएको छ।