युरोपेली संघ र मेक्सिकोले अगस्ट १ देखि आफ्नो आयातमा ३०% कर लगाउने अमेरिकी राष्ट्रपति डोनाल्ड ट्रम्पको धम्कीप्रति निराशा व्यक्त गरेका छन्।

मेक्सिकोले ट्रम्पको “अनुचित सम्झौता” भनेको कुराको आलोचना गर्दै जवाफी कर लगाउन सक्ने कुरामा जोड दिएको छ। त्यसैगरी युरोपेली संघकी प्रमुख उर्सुला भोन डेर लेयनले आवश्यक परेमा युरोपले पनि जवाफी कर लगाउन सक्ने बताएकी छन्। यधपी, दुवैले अमेरिकासँग वार्ता जारी राख्न चाहेको पनि बताएका छन् ।

यदि अमेरिकी व्यापारिक साझेदारहरू मध्ये कुनैले बदला लिने नियतले जवाफी कर लगाउने निर्णय गरेमा ट्रम्पले अझ बढी आयात कर लगाउने चेतावनी दिएका छन्।

यस हप्ता ट्रम्पले अर्को महिनादेखि जापान, दक्षिण कोरिया, क्यानडा र ब्राजिलका सामानहरूमा नयाँ कर लगाउने घोषणा पनि गरेका छन् ।