“निवर्तमान अमेरिकी राष्ट्रपति जो बाइडेनले आफ्ना छोरा हन्टरलाई माफी दिने निर्णयले उनी राजनीतिज्ञभन्दा पनि मानव भएको देखाउँछ”, भ्लादिमिर पुटिनले भने। उनले यसका लागि बाइडेनको निन्दा नगर्ने बताएका छन्।

पुटिनले बिहीबार मस्कोमा आयोजित एक पत्रकार सम्मेलनमा उक्त टिप्पणी गरेका छन्।

पत्रकारहरुले पुटिनलाई राष्ट्रपति बाइडेनले आफ्नो छोरा, हन्टरको माफीको बारेमा सोधेको प्रश्नको जवाफ दिंदै उनले भने,”उनी राजनीतिज्ञ हुन् ,र यो सधैं महत्त्वपूर्ण छ कि तपाईमा के छ – एक राजनीतिज्ञ वा मानव। आफ्नो छोरा हन्टरलाई दिएको आम माफिले बाइडन एक राजनीतिक व्यक्ति भन्दा बढी मानव भएको पुष्टि गरेको छ “

पुटिनले रूसी इतिहासका उदाहरणहरू उल्लेख गर्दै भने , (सोभियत नेता जोसेफ स्टालिनको जेठो छोरा याकोभको उल्लेख गर्दै) स्टालिनले जर्मन फिल्ड मार्शल फ्रेडरिक पाउलसलाई बन्दि साटफेर गर्न अस्वीकार गरेपछि जर्मन यातना शिविरमा १९४३ मा उनको छोराको मृत्यु भएको घटनाको स्मरण गराएका थिए ।

उनले भने,”त्यसबेला कुरा फरक थियो । त्यसबेला आत्मसमर्पणलाई देशद्रोह मानिन्थ्यो किनभने देश “पूर्ण विनाशको छेउमा” थियो। यो सम्पूर्ण राष्ट्रको अस्तित्वको बारेमा थियो, र विजयको लागि लड्नका लागि लिइएका उपायहरू “कठोर, क्रूर थियो ” ।

हन्टर बाइडेनलाई बन्दुक किन्दा लामो समयदेखि लागुऔषधको लतको बारेमा झूट बोलेकोमा दोषी ठहर गरिएको थियो। उनले सेप्टेम्बरमा अन्य तीन अपराध र ६ वटा दुराचार अपराधहरूमा दोषी स्वीकार गरेका थिए ।

जो बाइडेनले बारम्बार आफ्नो छोरालाई माफी नदिने बताए पनि,आफ्नो छोरालाई उसको पारिवारिक सम्बन्धका कारण अनुचित रूपमा” मुद्दा चलाइएको दाबी गर्दै डिसेम्बर १ मा माफी दिएका थिए।