हमास नेता इस्माइल हनियाहको हत्याको बदलामा इरानले कठोर कदम चाल्ने सङ्केत देखिएको छ।

इजरायलले बुधबार बिहान तेहरानमा इस्माइल हनियाहको हत्या गर्ने हमलामा प्रत्यक्ष रूपमा कुनै पनि प्रकारको टिप्पणी गरेको छैन, यधपी हमास नेता इस्माइल हनियाहको हत्या र तेहेरान हमलाको केहि समय अगाडी लेबनानमा मारिएका एक वरिष्ठ हेजबुल्लाह कमाण्डरको हत्याप्रती इंगित गर्दै इजरायलका प्रधानमन्त्री बेन्जामिन नेतान्याहुले, हालैका दिनहरूमा आफ्ना शत्रुहरूलाई कडा प्रहार गर्न सफल भएको बताएका छन्। हानिएह हत्याको केही घण्टाअघि इजरायलले बेरुतमा वरिष्ठ हेजबुल्लाह फुआद शुक्रको समेत हत्या गरिएको थियो।

यता, हमासको सशस्त्र शाखाले हमास समूहको समग्र नेताको रूपमा हेरिने हानिएहको मृत्युले “लडाईलाई नयाँ आयाममा लैजाने” र ठूलो असर पर्ने बताएको छ। यधपी इरानले उक्त हत्याको बदलामा कसरि प्रतिकार गर्छ भन्ने कुराको कुनै टुङ्गो नभएको र यसले मध्यपूर्वी मुलुकहरुमा युद्धलाई अझै बढावा दिन सक्ने संकेत गरिएको छ। गाजामा युद्धविरामका लागि वार्तामा महत्वपूर्ण भूमिका निर्वाह गरेका हनियाहको इरानका नयाँ राष्ट्रपति मसुद पेजेस्कियानको सपथ समारोहमा भाग लिएको केही घण्टापछि मारिएका हुन्।

यसरि बढ्दै गएको द्वन्दको बीच अमेरिकाले आफ्ना नागरिकलाई लेबनान यात्रा नगर्न सल्लाह दिएको छ भने बेलायतका विदेश सचिवले नागरिकहरूलाई देश छोड्न आग्रह गरेका छन्। साथै धेरै अन्तराष्ट्रीय विमान कम्पनीहरुले सो क्षेत्रमा आफ्नो उडान रद्द समेत गरेका छन्।

७ अक्टोबरमा इजरायलमा आक्रमण गरी करिब १२०० व्यक्तिको ज्यान लिएको घटनासंगै बढेको द्वन्दमा इजरायलले हमासलाई नष्ट गर्ने भन्दै युद्द सुरु गरेको थियो।