चितवन — नारायणगढ मुग्लिन सडक खण्ड अन्तर्गत पर्ने सिमलतालमा शुक्रबार बिहान करिब साढे तीन बजे तिर आएको पहिरोले दुईवटा यात्रुवाहक बस बगाएको छ।

सिमलतालमा पहिरोले दुईवटा बस बगाएको बसबाट हाम फालेका ३ यात्रुले बताएको जिल्ला प्रहरी कार्यालय चितवनले जनाएको छ ।

चितवनका प्रमुख जिल्ला अधिकारीका अनुसार सिमलतालमा बगेका दुई बसमध्ये वीरगन्जबाट काठमाडौँ गइरहेको एन्जल बसमा २४ जना र काठमाडौंबाट गौर आइरहेको गणपति डिलक्समा ४१ जना यात्रु रहेका थिए । पहिरोले बगाएका दुईवटै बस नारायणी नदीमा बेपत्ता रहेका जिल्ला प्रहरी कार्यालय चितवनले जनाएको छ ।

त्यसैगरी सोही सडक खण्डको १७ किलोमा बिहान साढे तीन बजे आसपासमा खसेको पहिरोबाट आएको ढुंगाले बुटवलबाट काठमाडौं जाँदै गरेको लु २ ख ६५६६ नम्बरको लाग्दा बसका चालकको निधन भएको छ ।

पहिरो खसेपछि मुग्लिन नारायणगढ सडक अबरुद्ध छ। घटनास्थलमा उद्धारका लागि नेपाल प्रहरी र सशस्त्र प्रहरीको टोली परिचालन गरिएको छ।