काठमाडौं – एमाले अध्यक्ष एवं पूर्वप्रधानमन्त्री केपी शर्मा ओलीले सङ्क्रमणकालीन न्यायसम्बन्धी विधेयक सबैको सहमतिमा पारित हुनुपर्ने बताएका छन् ।

प्रधानमन्त्री तथा मन्त्रिपरिषद्को कार्यालय सिंहदरबारमा आज प्रधानमन्त्री पुष्पकमल दाहाल प्रचण्डसँगको भेटपछि सञ्चारकर्मीसँग कुरा गर्दै उनले उक्त अभिव्यक्ती दिएका हुन्। उनले प्रधानमन्त्रीसँग समसामयिक विषयमा छलफल भएको र बाँकी शान्ति प्रक्रियालाई टुंगो लगाउने जानकारी समेत दिएका छन् । ओलीले विधेयकलाई छिटो टुङ्ग्याउन प्रधानमन्त्रीसँग कुरा गरेको बताएका छन् ।

शान्ति प्रक्रियाको बाँकी काम पूरा गर्ने विषयमा अहिले समितिमा विधेयकमाथि छलफल भइरहेको छ । त्यसलाई राम्ररी मिलाएर छिट्टै टुङ्गो लगाउने विषयमा छलफल भएको थियो । यधपी टिआरसीसम्बन्धी विधेयक पीडितमैत्री हुनुपर्ने एमालेको अडान पनि यथावत रहेको ओलीले बताए ।