काठमाडौं – प्रधानमन्त्री पुष्पकमल दाहाल प्रचण्डले गुणस्तरीय स्वास्थ्य सेवाको पहुँच र प्रयोगमा सुधार ल्याउन स्वास्थ्य बीमालाई थप प्रभावकारी बनाउनुपर्ने बताएका छन् ।

पाटन स्वास्थ्य विज्ञान प्रतिष्ठानको १२ औँ बैठकमा प्रधानमन्त्री तथा कुलपति ‘प्रचण्ड’ले सामाजिक स्वास्थ्य बीमाका आधारमा सबैका लागि स्वास्थ्य सेवा सुनिश्चित गर्ने उद्देश्यलाई साथ दिनुपर्नेमा जोड दिए ।

स्वास्थ्य बीमा कार्यक्रमलाई सफल बनाउन स्थानीय तहले सकारात्मक प्रयास गरिरहेको उल्लेख गर्दै प्रधानमन्त्री प्रचण्डले भने, ‘राष्ट्रिय स्वास्थ्य बीमा कार्यक्रमलाई सफल बनाउन विज्ञसहितको स्वास्थ्य सेवा उपलब्ध गराउन ललितपुर महानगरपालिकासँग भएको सम्झौता देशका लागि नमुना कार्यक्रम बन्नेछ भन्ने कुरामा आफु विश्वस्त रहेको समेत बताएका छन्।

प्रधानमन्त्री प्रचण्डले, संस्थाले सर्वसाधारणलाई प्रदान गर्ने स्वास्थ्य सेवालाई आगामी दिनमा थप गुणस्तरीय र चुस्तदुरुस्त बनाउँदै अस्पतालको सेवामा थप जनताको पहुँच विस्तार हुने विश्वास व्यक्त गरे ।अस्पतालले समय सापेक्ष विभिन्न सेवा र प्रविधि थपेर नागरिकको आवश्यकताअनुसार सेवा विस्तार गरेको उल्लेख गर्दै प्रचण्डले विश्वव्यापी महामारीको रुपमा फैलिएको कोभिड–१९ सङ्क्रमितको परीक्षण र उपचारमा महत्वपूर्ण योगदान पु¥याएको स्मरण गर्दै,स्वास्थ्य विज्ञानको क्षेत्रमा अन्तर्राष्ट्रिय स्तरको अध्ययन र अनुसन्धानलाई प्रवद्र्धन गर्नुका साथै देशका लागि आवश्यक पर्ने दक्ष र गुणस्तरीय स्वास्थ्य जनशक्ति उत्पादनमा जोड दिन पनि उत्तिकै आवश्यक रहेको औँल्याउदै त्यसतर्फ अघि बढ्न संस्थानलाई निर्देशन दिनुभयो ।