जातीय विभेदका हिंसाजन्य घटना बढ्दै गएको भन्दै काठमाडौंको माइतीघरमा प्रदर्शन गरिएको छ ।

जात व्यवस्था उन्मूलन मोर्चा नेपालले,जुम्लामा अन्तरजातीय विवाह गरेको विरोधमा घर जलाइएको,दाङमा डेराबाट निकालिएको लगायतका श्रृंखलाबद्ध घटना जात व्यवस्थाका कारण घटेको भन्दै सो विरुद्ध काठमाडौंको माइतीघरमा विरोध प्रदर्शन गरेको हो ।

प्रदर्शनको क्रममा प्रदर्शनकारीहरुले, अपराधीलाई कारवाही गर,मलाई विभेद स्वीकार्य छैन,षड्यन्त्रकारी प्रहरी प्रशासन र अदालत मुर्दावाद लगायतका प्लेकार्ड प्रदर्शन गर्दै जातीय विभेदका कारण भएका हिंसाजन्य घटनाका पीडितलाई छिटो न्याय र पीडकलाई कडा कारवाही गर्नुपर्ने माग गरेका छन् ।