सभामुखको गरिमा बिर्सिएर कोशी प्रदेशमा नयाँ सरकार

  • नेपाल राष्ट्रिय दैनिक
  • २२ असार २०८०, शुक्रबार ०७:२०
uddab thapa koshi pradesh

असार २२, विराटनगर – सभामुख पदको मर्यादालाई लत्याएर कांग्रेस कोशी प्रदेश संसदीय दलका नेता उद्धव थापालाई कोशी प्रदेशको मुख्यमन्त्री नियुक्त गरिएको छ।

९३ सदस्यीय कोशी प्रदेशमा थापालाई कांग्रेस, माओवादी, एकीकृत समाजवादी, जसपा र सभामुखले समर्थन गरेका छन् ।गठबन्धनका तर्फबाट दाबी पेश गरेका थापालाई प्रदेश प्रमुख पर्शुराम खापुङले संविधानको धारा १६८ को उपधारा २ बमोजिम मुख्यमन्त्री नियुक्त गरेका हुन् ।

कोशी प्रदेशमा सरकार गठनका लागि ४७ जनाको समर्थन आवश्यक रहनेमा एमाले र राप्रपा गठबन्धनको ४६ सिट र गठबन्धनको पनि ४६ सिट रहेको छ। तर गठबन्धनले सभामुखलाई समेत सरकार गठन प्रक्रियामा सामेल गराएर बहुमत कायम गरेको छ। १ सीटले कोशी सरकारबाट एमाले नेता हिक्मत कार्की बाहिरिंदै गर्दा त्यहि १ सिटको समर्थनका लागि गठबन्धन दलले भने अप्राकृतिक रुपमा सभामुखलाई प्रयोग गरेको हो।

दलिय स्वार्थबाट तटस्थ रही संसदको कार्यसञ्चालन र अध्यक्षता गर्नुपर्ने जिम्मेवारी बोकेका सभामुखले कार्यपालिका गठन, विघटन र समर्थनमा सक्रिय रही हस्ताक्षर गर्नु संसदीय लोकतन्त्रको मर्यादा, अभ्यास र कानुनी शासनको विपरीत भएको भन्दै उनको आलोचना समेत गरिएको छ। सभामुखको यो कदमले सभामुख तटस्थ, निष्पक्ष र दलभन्दा माथि भन्ने मान्यताको धज्जी उडाइएको भनि अहिले सभामुख बाबुराम गौतम आँफै विवादमा मुछिएका छन्

अब ३० दिनभित्र मुख्यमन्त्री थापाले संसदमा विश्वाशको मत लिनुपर्ने हुन्छ। गठबन्धन ३० दिनभित्र राप्रपालाई मनाउन सकिन्छ कि भन्ने दौडमा लागेको छ। तर यदि राजनीतिक समीकरण यहि अवस्थामा कायम रहयो भने गठबन्धनले सभामुखको राजिनामा गराएर गौतमलाई सांसदको हैसियतमा सरकारको समर्थनमा मत दिन लगाउने रणनीतिमा गठबन्धन सरकार रहेको बुझिएको छ।

https://nepalrastriyadainik.com/%e0%a4%a8%e0%a5%87%e0%a4%aa%e0%a4%be%e0%a4%b2%e0%a5%80-%e0%a4%b0%e0%a4%be%e0%a4%9c%e0%a4%a8%e0%a5%80%e0%a4%a4%e0%a4%bf%e0%a4%ae%e0%a4%be-%e0%a4%89%e0%a4%ae%e0%a5%8d%e0%a4%b0%e0%a4%bf%e0%a4%8f%e0%a4%95/
https://nepalrastriyadainik.com/%e0%a4%b8%e0%a5%8d%e0%a4%b5%e0%a4%be%e0%a4%ad%e0%a4%bf%e0%a4%ae%e0%a4%be%e0%a4%a8%e0%a5%80-%e0%a4%aa%e0%a5%8d%e0%a4%b0%e0%a4%a7%e0%a4%be%e0%a4%a8%e0%a4%ae%e0%a4%a8%e0%a5%8d%e0%a4%a4%e0%a5%8d%e0%a4%b0/
Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५