राष्ट्रिय परीक्षा बोर्डले एसईईको नतिजा लेटर ग्रेडिङ प्रणालीमा प्रकाशन गर्ने

  • नेपाल राष्ट्रिय दैनिक
  • १९ असार २०८०, मंगलवार १६:००
rastriya pariksha board neb

राष्ट्रिय परीक्षा बोर्डले लेटर ग्रेडिङ प्रणाली अनुसार माध्यमिक शिक्षा परीक्षा (एसईई) को नतिजा प्रकाशन गर्ने भएको छ ।

बोर्डका अध्यक्ष महाश्रम शर्माले पुरानो पाठ्यक्रमअनुसार अध्ययन गरेपछि लेटर ग्रेडिङ प्रणालीबाट नतिजा प्रकाशन गर्ने निर्णय गरेको बताए ।

सरकारले सैद्धान्तिकमा ३५ र प्राक्टिकलमा ४० अंक ल्याउनेलाई मात्रै समावेश गर्न लेटर ग्रेडिङ गाइडलाइन, २०७८ परिमार्जन गरेको छ । निर्देशिका अनुसार कुनै पनि विषयमा ३५ भन्दा कम अंक ल्याएमा एनजी (नन ग्रेडेड) लेखिनेछ र कक्षा ११ मा जान नपाउने र एनजी लेखेर नतिजा आएका विद्यार्थीले ओरिजिनल प्रमाणपत्र पाउने छैनन् ।

तर, यस वर्षको एसइईको नतिजाको निर्देशिकामा यो व्यवस्था लागू नगरी बोर्डले वर्णमाला/अक्षर ग्रेडिङ प्रणाली लागू गर्ने भएको छ । यस प्रणालीमा ‘ई’ ग्रेड पनि निर्धारण गरी विद्यार्थीलाई प्रमाणपत्र वितरण गरिन्छ ।

बोर्डका अध्यक्ष शर्माले चालु शैक्षिक सत्रमा सबै कक्षालाई नयाँ पाठ्यक्रमअनुसार पढाइ हुने भएकाले अबदेखि नयाँ ग्रेडिङ प्रणाली लागू गरिने बताएका छन् ।

७७ जिल्लाका २ हजार ३६ परीक्षा केन्द्रका करिब ५ लाख विद्यार्थीले भाग लिएको एसइई परीक्षाको नतिजा शुक्रबारसम्म सार्वजनिक गर्ने तयारी भएको छ ।

Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५