असार १९,काठमाडौं- चालु आर्थिक वर्षको यो अवधिसम्म वैदेशिक रोजगारीका लागि विदेश जाने नेपालीको संख्या ७ लाख ४० हजारभन्दा बढी पुगेको छ।

वैदेशिक रोजगार विभागको अनुसार वैदेशिक रोजगारीका लागि वेदेश जाने नेपालीको यो संख्या अहिलेसम्मकै सबैभन्दा धेरै हो । विभागका अनुसार गत आर्थिक वर्षमा ६ लाख ३० हजारभन्दा बढीले वैदेशिक रोजगारीका लागि श्रम स्वीकृति लिएर विदेश गएको देखिन्छ ।

वैदेशिक रोजगार विभागको अनुसार रोजगारीका लागि दैनिक २ हजार ४४ नेपाली श्रम स्वीकृति लिए विदेश जाने गरेका छन् । विभागका अनुसार कोभिड–१९ को विश्वव्यापी लकडाउनका बीचमा मात्र ५० हजार नेपाली रोजगारीको खोजीमा विदेश पलायन भएको देखिन्छ ।

मुख्यतः देशमा माओवादी विद्रोहपछि बढेको वैदेशिक रोजगारीप्रतिको नेपालीको आकर्षणले १८ वर्षमा कुल २४ करोड ६५ लाख नेपालीले वैदेशिक रोजगारीका लागि श्रम सरकारी स्वीकृति लिएको देखिन्छ ।

विभागको तथ्याङ्क अनुसार नेपाली कामदारका लागि मलेसिया प्रमुख श्रम गन्तव्य मुलुक भएको देखिन्छ भने, रोमानिया, क्रोएसिया, साइप्रस, बेलायतलगायत युरोपेली देशहरूमा पनि आकर्षण बढ्दै गएको छ ।