श्रम स्वीकृति लिएर वैदेशिक रोजगारीमा गएका नेपालीले मात्र साथमा २ वटा मोबाइल ल्याउन पाउने

  • नेपाल राष्ट्रिय दैनिक
  • ३१ बैशाख २०८०, आईतवार १५:००
TIA custom office

वैशाख ३१, काठमाडौं – यसअघि मन्त्रिपरिषद बैठकले विदेशबाट फर्कने नेपालीले साथमा २ वटा मोबाइल ल्याउन पाउने भनि गरेको निर्णयलाई भन्सार विभागले थप व्याख्या गर्दै, श्रम स्वीकृति लिएर कम्तिमा ६ महिना वैदेशिक रोजगारीमा रहेका नेपालीले मात्र सो सुबिधा पाउने जनाएको छ ।

भन्सार विभागको यो निर्णयसँगै,अब श्रम स्वीकृति लिएर वैदेशिक रोजगारीमा गएकाहरुले मात्रै निशुल्क थप एउटा मोबाइल ल्याउन पाउनेछन् भने, विदेश अध्ययनमा गएका विध्यार्थी र पर्यटन भिषामा विदेश गएका नेपालीले भने आफुले बोकेको बाहेक थप अर्को मोबाइल ल्याउँदा भन्सार विभागले तोके बमोजिम कर तिर्नुपर्ने छ।

भन्सार विभागले, विदेशवाट फर्किने यात्रु जो सुकैले एक थान मोबाइल महसुल नतिरी ल्याउन पाइने र आफूले प्रयोग गरिरहेको १ थान मोबाइल फोन सेटको घोषणा भन्सार कार्यालयमा गर्नु नपर्ने जनाएको छ भने, उक्त एक थान मोबाइल व्यक्ति आफैंले नेपाल दूरसञ्चार प्राधिकरणको मोबाइल डिभाइस म्यानेजमेन्ट सिस्टम (एडीएमएस)मा अनलाइन माध्यमबाट दर्ता गर्न सकिने बताएको छ।

श्रम स्वीकृति लिएर वैदेशिक रोजगारमा गएर कम्तीमा ६ महिना काम गरी फर्केका नेपाली नागरिकले निशुल्क ल्याउन पाउने थप १ थान मोबाइलको भने भन्सार प्रज्ञापनपत्र लिनुपर्ने र सोही प्रज्ञापनपत्रका आधारमा एमडीएमएसमा सो फोन दर्ता गर्न सकिने भन्सार विभागले जनाएको छ ।

तर, पर्यटन भिषामा विदेश गएर फर्किएका र वैदेशिक अध्ययनबाट फर्किएकाहरुले ल्याउने दोस्रो फोनमा भने भन्सार महसुल लाग्ने र दोस्रो फोनको भन्सार प्रक्रिया पुरा गर्दा तोकिएको महसुल तिरेपछि प्रज्ञापन पत्र पाइने र त्यही प्रज्ञापनपत्रका आधारभा एमडीएमएसमा दर्ता हुन सकिने व्यवस्था गरिएको भन्सार विभागले जनाएको छ।

विदेशबाट ल्यााएको मोबाइलमा नेपाली मोबइल सेवा प्रदायकको सिम प्रयोग गरेको १५ दिनभित्र एमडीएमएसमा दर्ता नभए उक्त मोबइल नेपालमा नचल्ने पनि भन्सार विभागले जनाएको छ।

https://nepalrastriyadainik.com/%e0%a4%85%e0%a4%ac-%e0%a4%b5%e0%a4%bf%e0%a4%a6%e0%a5%87%e0%a4%b6%e0%a4%ac%e0%a4%be%e0%a4%9f-%e0%a4%ab%e0%a4%b0%e0%a5%8d%e0%a4%95%e0%a4%82%e0%a4%a6%e0%a4%be-%e0%a4%a6%e0%a5%81%e0%a4%88%e0%a4%b5/
Share :
cabinet oli

ओली सरकारको २२ सदस्यीय नयाँ मन्त्रिपरिषद गठन

काठमाडौं - प्रधानमन्त्री केपी शर्मा ओलीले २२ सदस्यीय मन्त्रिपरिषद गठन गरेका छन् । नवनियुक्त मन्त्रीहरुले प्रधानमन्त्रीको सपथ लगत्तै पद तथा गोपनियताको शपथ लिएका छन् । ओली सरकारको २२ सदस्यीय नयाँ मन्त्रिपरिषदमा मन्त्रीहरुको कार्यविभाजन यसप्रकार रहेको छ- १‍. केपी शर्मा ओली, प्रधानमन्त्री २. प्रकाशमान सिंह, उपप्रधान तथा सहरी विकास ३. विष्णु पौडेल, उपप्रधान तथा अर्थ ४. पृथ्वीसुब्बा गुरुङ, सञ्चार तथा सूचना[...]

  • नेपाल राष्ट्रिय दैनिक
  • २०७८-०६-०४ , ०९:४५