चीनले आफ्नो सांघाई वाणिज्य दूतावासमा कार्यरत क्यानडाकी कूटनीतिज्ञ जेनिफर लिन लालोन्डेलाई देश छाड्न आदेश दिएको छ।

क्यानडाले सोमबार चिनियाँ कूटनीतिज्ञ झाओ वेईलाई, क्यानाडाली सांसदलाई प्रलोभनमा पार्ने र धम्क्याउने प्रयास गरेको आरोपमा देश छोड्न आदेश दिएपछि चीनले बदलास्वरूप क्यानाडाली कूटनीतिज्ञलाई देश छाड्न आदेश दिएको छ।

क्यानाडाली कूटनीतिज्ञलाई हटाउने आदेश पछि चीनले एक विज्ञप्ति जारी गर्दै “चीनले प्रतिक्रिया स्वरुप थप प्रक्रियाको अधिकार सुरक्षित राख्दछ ” भन्ने अभिव्यक्ति दिएको छ।

दुवै कूटनीतिज्ञलाई देश छाड्न पाँच दिनको समय दिइएको छ।

क्यानाडाका सांसद माइकल चोङले चीनमाथि मानवअधिकार उल्लंघनको आरोप लगाएपछि क्यानडाले, चीनले आफ्ना विपक्षी सांसद माइकल चोङ र हङकङमा रहेका उनका आफन्तहरूलाई निशाना बनाएको आरोप लगाएको थियो।