चालु आर्थिक वर्षको आठ महिनामा रु ५ अर्ब ५० करोड बराबरको विधुतीय सवारीसाधन आयात

  • नेपाल राष्ट्रिय दैनिक
  • १० चैत्र २०७९, शुक्रबार १३:०७
electric vehicle

काठमाडौं, चैत १० : चालू आर्थिक वर्षको पहिलो आठ महिनामा नेपालमा दुई हजार २ सय युनिट विधुतीय सवारीसाधन (इभी) आयात भएको छ । भन्सार विभागले सार्वजनिक गरेको तथ्यांकअनुसार चालु आर्थिक वर्षको आठ महिनामा दुई हजार १९८ चार पाङ्ग्रे विधुतीय सवारी साधन आयात भएको छ । विभागका अनुसार चालू आर्थिक वर्षको आठ महिनामा पाँच अर्ब ५० करोड रुपैयाँका नौ मोडलका सवारीसाधन आयात भएका छन् । विभागका अनुसार ४ अर्ब ९२ करोड रुपैयाँका एक हजार ७४९ चारपाङ्ग्रे सवारीसाधन आयात भएका छन् । जनवरी र फेब्रुअरी महिनामा मात्रै ५६ करोड २७ लाख रुपैयाँ बराबरको ४४९ विधुतीय सवारी आयात भएको छ ।

विभिन्न देशबाट सय किलोवाट क्षमताका २ हजार १३९ विधुतीय सवारीसाधन आयात भएको विभागले जनाएको छ । चीनबाट १०० किलोवाट क्षमताका ३३३ चार पाङ्ग्रे विधुतीय सवारीसाधन आयात गर्न रु ७६ करोड २० लाख खर्च भएको छ । राज्यले भारतबाट १०० किलोवाट क्षमताका १५७१ चार पाङ्ग्रे विधुतीय सवारीसाधन आयात गर्दा ४ अर्ब २५ करोड रुपैयाँ खर्च गरेको छ । दक्षिण कोरियाबाट १०० किलोवाट क्षमताका २३२ विधुतीय सवारी साधन र इन्डोनेसियाबाट ३ वटा विधुतीय सवारीसाधन ल्याइएका छन् ।

चालु आर्थिक वर्षको बजेटमा सरकारले ३०० किलोवाट क्षमताका विधुतीय सवारी साधनमा भन्सार महसुल ४० प्रतिशतबाट बढाएर ६० प्रतिशत पुर्याएको थियो । सरकारले आर्थिक ऐन मार्फत १०० किलोवाटदेखि २०० किलोवाट क्षमताका विधुतीय सवारी साधनमा १५ प्रतिशतदेखि ३० प्रतिशत भन्सार महसुल बढाएको थियो ।
त्यसैगरी ३ सय किलोवाट क्षमताका विधुतीय सवारी साधनमा अन्तःशुल्क ४५ बाट ६० प्रतिशतमा बढाइएको छ । जसका कारण चालु आर्थिक वर्षको आठ महिनामा यो क्षमताको विधुतीय सवारी न्यून मात्रामा आयात भएको छ ।

Share :
ChitraBahadurKC

संविधान संसोधन गर्ने भए प्रदेश खारेज गरौँ : चित्र बहादुर केसी

काठमाडौँ: प्रतिनिधि सभामा सम्बोधन गर्ने क्रममा राष्ट्रिय जनमोर्चाका नेता चित्र बहादुर केसीले संविधान संसोधन नै गर्ने भए सबैभन्दा पहिले प्रदेश खारेज गर्नुपर्ने बताएका छन्। नेपालले प्रदेशको संरचना थेग्न नसक्ने र यसले ढिलो चांडो देशलाई अधोगतितर्फ लैजाने भन्दै संविधान नै संसोधन गर्ने भए सबैभन्दा पहिला प्रदेश संरचना खारेज गर्नुपर्ने माग गरेका छन्। केन्द्रमा सरकार परिवर्तन हुँदा प्रत्यक पटक प्रदेश सरकार परिवर्तन[...]

  • नेपाल राष्ट्रिय दैनिक
  • २०७८-०६-०४ , ०९:४५