नेपाल पञ्चाङ्ग निर्णायक विकास समितिका अनुसार आज दिउँसो खण्डग्रास सूर्यग्रहण लाग्दैछ।

समितिका अनुसार आज दिउँसो ४ बजेर ५२ मिनेटको समयमा सूर्यग्रहण सुरु हुनेछ भने ३२ मिनेटपछि ५ बजेर २४ मिनेटमा ग्रहण समाप्त हुनेछ।अफ्रिका, एसिया, युरोप लगायत विश्वका विभिन्न मुलुकबाट यो ग्रहण देख्न सकिनेछ।

ग्रहणको समयमा के गर्ने, के नगर्ने ?
ग्रहण लागेको समयमा सूर्यको विकिरणले असर गर्न सक्ने हुँदा नाङ्गो आँखाले ग्रहण हेर्न नहुने बताइन्छ। यधपी ग्रहण हेर्नको लागि थाल वा कुनै भाँडामा पानि राखेर सो पानीमा ग्रहणको छायाँ हेर्न सकिन्छ भने कुनै विशेष किसिमको चस्मा वा प्रविधिको प्रयोग गरेर पनि ग्रहणको अवलोकन गर्न सकिन्छ।

सूर्यको विकिरण तथा नकारात्मक ऊर्जा घरभित्र प्रवेश गर्ने भएकाले ग्रहण लागेको समयमा शुद्ध गाईको गोबरले घरको मूल ढोका अगाडी लिप्दा त्यसले नकारात्मक ऊर्जा घरभित्र पस्नबाट रोक्ने बताइन्छ।

ग्रहणको समयमा सुत्न नहुने,भोजन गर्न नहुने लगायत कुनै पनि शुभ कार्य गर्न नहुने बताइन्छ। तर बिरामी वा अशक्त मानिसहरुले भने तुलसीको पत्ता राखेर भोजन गर्न वा पानि पिउन सकिने बताइन्छ। ग्रहणको समाप्तिसँगै स्नान गरेर, श्रद्दा पूर्वक जनावर, चराचुरुङ्गी, निमुखा प्राणी तथा असहाय प्राणीहरूलाई दान तथा सहयोग गर्नु निक्कै राम्रो मानिन्छ।