प्रधानमन्त्री तथा नेपाली काँग्रेसका सभापति शेरबहादुर देउवाको उम्मेदवारीविरुद्ध उजुरी परेको छ।

नेपाली कांग्रेस बीपीका वरिष्ठ उपसभापति कर्णबहादुर मल्लले देउवाको नागरिकता र मतदाता नामावलीमा फरक-फरक जन्म मिति रहेकोले उनको उम्मेदवारी रद्द हुनुपर्ने भन्दै निर्वाचन अधिकृतको कार्यालयमा उजुरी दिएका हुन्।

देउवाको नागरिकतामा वि.सं. २००३ ज्येष्ठ ३१ गते जन्म मिति रहेकोमा उनको मतदाता नामावलीमा भने २००२ जेठ ३१ गते रहेको छ।

डडेलधुराका मुख्य निर्वाचन अधिकृतले देउवाको उम्मेदवारी विरुद्ध उजुरी परेको पुष्टि गर्दै, उजुरीमाथि आवश्यक कारबाही सुरु भइसकेको र देउवा विरुद्ध परेको उजुरीमाथि भोलिसम्म निर्णय हुने बताएका छन्।

२०७४ को निर्वाचनमा कांग्रेसबाटै प्रदेश सभामा निर्वाचित भएका मल्लले अहिले भने बीपी कांग्रेसबाट देउवाको विरुद्द उम्मेद्वारी दर्ता गराएका छन् र उनलाई सो क्षेत्रमा एमालेले सघाउने बुझिएको छ।