कपिलवस्तु, २३ आश्विन – कपिलवस्तु जिल्लामा रहेका मुस्लिम समुदायहरुले आज उत्साहजनक रुपमा मुहम्मद जयन्ती मनाएका छन् ।

इस्लाम धर्मका प्रवर्तक हजरत मुहम्मद सल्ललाहुताला वए वसल्लमको १४९७ औँ जन्मोत्सव पारेर आज देश भर रहेका मुस्लिम समुदायले र्‍याली सहित कपिलवस्तुमा मुहम्मद जयन्ती मनाएका छन् ।

नेपालको राष्ट्रिय झण्डा र इस्लामको झण्डा सहित निकालिएको र्‍याली कपिलवस्तु जिल्लाको कृष्णनगर , चन्द्रौटा, पकडी , तौलिहवा लगायातका बिभिन्न ठाँउमा परिक्रमा गरि तौलिहवाको खेल मैदानमा पुगेर कोणसभामा परिणत भएको थियो ।स्थानीय युवा तथा अग्रज व्यक्तित्वको सहभागितामा निकालीएको उक्त र्‍यालीमा देशभरबाट आएका मुस्लिम समुदायको सहभागिता रहेको थियो ।

सभालाई सम्बोधन गर्दै, तौलिहवाका अध्यक्ष एवं मुस्लिम अगुवा अधिवक्ता राउफ अहमद खाँले,सरकारले संविधानमा उल्लेख गरेको मुस्लिम समुदायको रवि – उल्ल – अव्वलमा विगतका दिनहरुमा दिइदै आएको सार्वजनिक विदा कटौती गरेर मुस्लिम समुदायहरुलाई अवहेलना गरेकोमा आक्रोश व्यक्त गर्दै,संबिधानको र्मम अनुरुप मुस्लिमहरुको छुट्टै पहिचान सहितको आरक्षणको ब्यवस्था गरी नेपाल सरकारले विगतमा दिंदै आएको सार्वजनिक बिदाहरु संघिय सरकार र प्रादेशिक सरकारद्धारा सार्वजनिक विदाको सूचीमा समावेश गर्न माग समेत गरेका छन्।

इस्लामिक क्यालेण्डरको तेस्रो महिना रवि – उल्ल – अव्वलको १२ तारिखको दिन विश्वभरिका मुस्लिम धर्मावलम्बीहरुले मनाउने गरेको उक्त धार्मिक कार्यक्रम नेपालमा पनि विगत लामो समयदेखि मनाइदै आएको धर्मगुरु हजरत मौलाना अलि हसन निजामिले बताएका छन् ।

इमरान खान,कपिलवस्तु