निर्वाचन आयोगले सार्वजनिक गरेको निर्वाचन तालिका अनुसार आगामी मंसिर ४ गते हुने प्रतिनिधि सभा र प्रदेश सभातर्फका उम्मेदवारहरुले आज बिहान १० बजेदेखि साँझ ५ बजेसम्म उम्मेदवारी दर्ता गर्न सकिने निर्वाचन आयोगले जनाएको छ।

आयोगले,सम्बन्धित निर्वाचन कार्यालयमा उम्मेदवार आफैं वा उम्मेदवारका प्रतिनिधिले मनोनयनपत्र दर्ता गर्न सकिने जनाएको छ। निर्वाचनका लागि समानुपातिक प्रणालीतर्फ उम्मेदवारको बन्दसूची भने आयोगले आइतबार बिहान प्रकाशन गरेको छ। निर्वाचनका लागि मतदाता नामावलीमा एक करोड, ७९ लाख ८८ हजार ५७० मतदाता सङ्ख्या रहेका छन्। निर्वाचनका लागि देशभर १० हजार ८९२ मतदानस्थल र सोअन्तर्गत २२ हजार २२७ मतदान केन्द्र कायम गरिएको छ।