सरकारी सूचना र तथ्याङ्कको अभिलेख राख्ने हेटौंडामा रहेको डाटा सेन्टर (डिजास्टर रिकभरी सेन्टर)मा आगलागी भएको छ । ।

डिजास्टर रिकभरी सेन्टरमा रहेको ब्याट्री पडि्कएर आगलागी भएको बताइएको छ। अहिले आगो नियन्त्रणको प्रायस जारी रहेको जिल्ला प्रहरी कार्यालय मकवानपुरले जनाएको छ ।

आगो निभाउने प्रयास जारि रहेको र आगो पूर्ण रुपमा नियन्त्रणमा आइनसकेकोले आगलागीबाट के कति क्षति भयो भन्नेबारे अहिले नै अनुमान गर्न नसकिने प्रहरीले जनाएको छ।

आगलागीका कारण सरकार र मातहतका निकायहरुको अनलाइन सेवा तथा सूचना प्रणालीमा असर पर्न सक्ने बताइएको छ।